Charta qua Ardagnus monasterio Cluniacensi medietatem campi in villa Camloco vendit et alteram pro remedio animæ suæ dat.
Ego, in Dei nomine, Ardagnus dono et vendo unum campum in pago Cabillonensi, in agro Balorense, in villa quę Camlocus vocatur. Illam medietatem quę ad me pertinet dono Deo et sanctis apostolis Petro et Paulo et ad locum Cluniacum, ubi domnus Odilo abba preesse videtur, pro remedio animę meę et omnium parentum meorum, ut Dominus eripiat eas de pęnis inferni. Et accipio a monachis solidos VII pro alia medietate, et aliam medietate tribuo, sicut supra dixi, pro animabus nostris usque ad inquirendum, ut faciant monachi quicquid facere voluerint. Et si homo est qui contra istam calumniari voluerit, omnes maledictiones veniant super eum, si ad emendationem non venerit; et hęc donatio firma et stabilis permaneat. S. Ardagni, qui fieri jussit et ipse firmavit, et alios firmare rogavit. S. Ardagni, Garlandi, Witgerii.